الأحد، 15 فبراير 2009

الله يرحمج يانواال..

:( :( :(
(( أيتها النفس المطمئنه إرجعي إلى ربك راضية مرضية وادخلي في عبادي وادخلي جنتي))
في صبااح يوم الأحد الموافق 15-2-2009 دخلت إلى رحمة الله تعالى نوال المطيري..
إن لله وإن إليه لراجعون..
بليز ادعولها والله ماأتخيل أشووف بنت خالتي ميته وقبل أمس كنت عندهم..
أنا اللحين أكتب وماأشوف الكيبورد عدل من الدمووع..
ياارب اغفرلها وارحمها أدخلها فسيح جنااتك..
:( :( :(

السبت، 14 فبراير 2009

مــــوكا فرباشينو OR حليــــب جــــاي..

أهلا أهلا بالحلوين..
طبعا موودي اليوم حلو لأني بقولكم سالفه تضحك..
الله يسلمكم أختي صارت مريضه قبل أسبوع وهالمرض اسمه (بو وجه،بو وييه،بو ويه)..
المهم أول مارجعنا من السفر أختي حبت إنها تروح عند بنت خاالتي وبنت خالتي بجنوب الجهرا طبعا بعييده..
قبل لانطلع من البيت أمي قالت لأختي ألبسي شي يخش وجهج من الهوا البارد علشان مايزيد عليج المرض لبست بس شنو لبست الله يسلمكم جابت شاال ولفت على وجهها مثل طريقة اللثمة ولاا بعد ألبست معاه نظاره شمسيه خخخخخخخخخخ الله لااوريكم شكلها يضحك.. :p
أختي شتهت برد من باسكن روبنز بس بسبب ضيق الوقت قالت نشتريه بالجهرا هناااك المهم رحنا فرينا الجهرا مالقينا شي طبعا أختي عصبت وأخر شي دقت على بنت خالتي تعرف وين مكاانه..
تخيلوا وين مكاانه صدفه لقيناه داخل محل حلوياات ولاا بعد الباسكن عباره عن كشك صغير ومافي شي يعني لو تشوفونه تقولون هذا مو باسكن هذا عباره عن تقليد لباسكن الحقيقي..
أختي مالقت اللي تبيه وشرت اللي موجوود.. :p
وصلنا البيت وطبعا أختي المصون ماكوا ياهل ماخرعته بالبيت سلمنا وقعدنا فزت بنت خالتي قالت بسويلكم موكا فربشينوا وافقنا كلنا قلت أمشي برووح أساعدج..
طبعا حطينا كل المكوناات ومن دهائي الزايد قلت لبنت خالتي حطي 4 قلاصات ماي الله لاايوريكم خلصنا من الموكا والطعم كله مااي..
وتقعد بنت خالتي تهاوشني وتزفني على اللي سويته..
هذا شكل الموكا بس ناقص أشيااء.. :p
لما ذقنااه لااعت جبودنا وطبعا بنت خالتي اجبرتني أني أشربه كله المهم أختي انجنت قالت لو شنو ارااح اشربه روحي بسرعه سويلي حليب شااي.. :p
المسيكينه ماسلمت مني لاا بالبيت ولاا بيت خالتي.. :D
وهذا حليب شااي أختي أصلاا ماتهنت بشربه كل شوي أصوره.. :p
ملااحظه..
اللثمه هي عباره عن شيله عاديه تنلف مثل العاده وبعدين آخر جزء تخش فيه الأنف والفم أما العين لأ..
على العمووم اللي يسوي هاللثمه بس السعوديين أما الكويتيين ماأتوقع..

الخميس، 5 فبراير 2009

أعـــــوذ بالله مــــن الوســـوســـة..

صبااحكم صبااح الخيير..
اليووم ماقدرت أنا من الأصواات طبعا أنا قتلكم أن أبووي الحمد الله قرر أنه يسوي تعديلاات في بيتنا وجااب العماال..
جزااهم الله ألف خير ماقصروا سووا اللي عليهم وهم بعد لاازم يضبطوون..
المهم اللي صج يزعجني أصواات المطرقة الأدواات على هالصبح تبط الرااس ،قمت من النووم وأنا مخترعه خاايفة أن هالطووفه اللي فوقي تطيح علي..
من كثر خووفي قمت ادعي وأنا نايمه وكل شوي أفتح عيني أشووف أنا بخيير ولااا لأ..
في نااااس تجيلهم بعض من الوسوسة وأعووذ بالله منها..
في موقف صاار لأختي كنا بعطلة الصيف أو الربيع المهم أن بنت خالتي جتنا من سعوديه تبي تقضي هالعطله معانا بدون أهلها المهم قررنا أن نسهر بالبحر خوااتي وبنت خالتي وبنت عمي ولد عمي..
طبعا ولد عمي هذا ياحليله الله يخليه لنا غيير عن بااقي عياال عماني بسرعه يواافق كريم معانا..
المهم طلعوا من البيت وأنا كنت مشتهيه أروح معاهم بس هم ماخذووني، المصيبة كنت محتره وادعي أنهم مايرووحون إن شااء الله يصير أي شي بس مايروحون..
شصاار تقريبا بعد نص سااعه وإلا داخلين علينا شساالفة طلعت أختي الكبيره جاها وسوااس المسيكينة وقفتهم بنص الطريق تقوول خلااص ردوا البيت أحس إن رااح نسوي حاادث مسكوها البناات قالوا هدي استعيذي من الشيطاان اذكري ربج ماكوا فاايده أبي أرووح البيت أبي أرووح البيت..
المهم قامت أمي وهي خايفة خذتها تقرى عليها وقالوا شلوون نرووح بدونها قالت أخذوا معاكم أموسه وافقوا..
بس ياليتني مارحت كنت أبي أتأمل شرووق الشمس بس بنت عمي الله يهداها قاالت احنا مو جايبينج على الفضي يالله رووحي جيبيلي كذا وكذا..
صرت خداامه عندهم أنا بس صج ذلووني واليوم كله كنت أندم أني رحت معاهم..

الأربعاء، 4 فبراير 2009

روحتي للمخيم..

السلاام عليكم.. اليوم رحت لمخيم بناات خالتي ،الصراحه رحت وأنا ماالي نفس نهائيا أني أرووح.. رحت بس علشاان أمي الله يخليها لي طبعا بعد التأخيراات من أمي والخداامه طلعنا وأخوي الصغير معانا طبعا هو رااح معانا لأنه ملّ المسكيين ما ألوومه أحس إن هالعطله بايخة مافيها طعم.. :D المهم طلعنا من البيت ووصلنا أخوي عند أبوي كملنا طريقنا للمخيم وهنااك لقينا البناات رحت فسخت ملفعي وركض أشووف المجنن بناات عمي جيت وياللمفاجأة قالوا إنهم يبون يروحوون لسكيتي ( صالة تزلج).. الصرااحه تضايقت كنت ودي أطلع الحرّ اللي فيني بس ماكوا مجاال قعدت بالخيمة عند خلااتي وبنات خلااتي الكباار ،قعدت وأنا مكبووته ودي أتكلم بس مارااح يفهمووني وطبيعتي ما أحب أتدخل بسواالف الحريم بس أسمع ولااا أتكلم.. مليت وأنا أسمع قرقرتهم كنت مشتهيه أقووم أمي ونروح بداال هالملل ، وسبحاان الله استجااب الله لدعائي وقاامت أمي وقالت يالله خلينا نرووح وهنيه أنا استانست حدي مدري شسوي بس خبيت فرحتي علشاان مايزعلوون.. أول مارجعنا البيت لقيت بنت خالتي هذه البنت أحبها مدري ليه أحس أني ماأقدر أفصل بدوونها المهم قعدت بصاالة وإلاا يدخل علي أخوي ويقوول ترى أبوي شره لأخوااني DS للي مايعرف الـــDS هي لعبة إلكترونيه تسمى جيم بوي بس من النووع الآخر.. الحمد الله صاار عندي دليل علشاان اشتري لااب توب وأفتك من هالااب توب المقربع..

الاثنين، 2 فبراير 2009

أول طبخه..

صباااح\\مسااء
الخيراات..
أمس طبخت كوكيز وأول مرة أطبخ قلت لنفسي (ياابنت الحلاال استفيدي من وقتج
ماافيد النوومه والقعده على فااضي)..
المهم قمت للمطبخ ورحت وخذيت كتــاب الطبخ وقااعده أتصفح وصدفه لقيت وصفة
الكوكيز قلت لاازم أطبخ وأتعلم..
رحت وسألت خدامتنا مريم إنه تطلع سكر بني وأبيض تطحنهم وتطحن بعد الشوفاان..
طبعا هذا اللي مكتووب بالكتااب، وصدفه سألت مريم إذا كان في طحين أو بيكربوناات الصوديم
قاالت مافيه لاا هذا ولاا ذااك..
المهم رسلت لأبووي مسج وماعطااني وجه.. << أفاا شفتم..
قلت لاازم أتميلح عند أمي رحت لأمي وقلتها قاالت أوكي دزت السايق يجيب الأغرااض..
أول ماجااء قمت فزيت خذيت الأغرااض وعلى طوول المطبخ..
قعدت وخبصت ومن كثر التخبيص قلت لمريم أعجني بداالي لأني تعبت..
<< مو أقوولكم انا وجهي مو وجه طبااخ..
رااحت أعجنت وخلصنا ورحنا صفينا كراات العجين بالصينية وفردناها صغار صغاار..
المهم حطيتها بالفرن لمدة 7 دقايق وجابتها لي شافتها أمي قاالت جيبيها أذوقها ذقناها وطلعت
زايدين البيكربوناات الصوديوم عن حده وبعدين ردت وقاالت الوالده الله يحفظها خليها تخبزه مره ثانيه
لي تصير حمره..
واافقت وياليت ماواافقت طلع الكوكيز من الفرن وصاار يابس ومحد كلااه وأمي تقوول جذيه أحسن..
ههههههههههههههههههههههههههههههههههههههههههههههههههه أمي تفصل واحنا نلبس..
أشوووفكم ع خيير..
ملحووظه: هذا شكل الكوكيز..