لا يعرف الحق بالرجال ،، انما يعرف الرجال بالحق!! << رأيكم؟؟
الاثنين، 27 ديسمبر 2010
الأحد، 26 ديسمبر 2010
الاثنين، 20 ديسمبر 2010
الاثنين، 8 نوفمبر 2010
نحن مجتمع نرفض الدين .. وندافع من أجل الدين .. ولكن لا نعيش في مقتضاه !!! << رايكم ؟؟
نحن مجتمع نرفض الدين .. وندافع من أجل الدين .. ولكن لا نعيش في مقتضاه !!! << رايكم ؟؟
الثلاثاء، 2 نوفمبر 2010
العديد منكم ماجاوب على سؤالي لأنه يقول ماوراء كلام الرسول رأي .. أوكي بس بنعرف السبب ليش قال الرسول هالجملة ؟؟ (المرأة ناقصة عقل ودين) :)
العديد منكم ماجاوب على سؤالي لأنه يقول ماوراء كلام الرسول رأي .. أوكي بس بنعرف السبب ليش قال الرسول هالجملة ؟؟ (المرأة ناقصة عقل ودين) :)
الأحد، 24 أكتوبر 2010
الثلاثاء، 19 أكتوبر 2010
اتوقع هالمقال يفيد بعضكم :) http://www.formspring.me/aso0olah/q/1341752720
اتوقع هالمقال يفيد بعضكم :) http://www.formspring.me/aso0olah/q/1341752720
الأربعاء، 13 أكتوبر 2010
الذي سأل عن السودانيين ، لماذا هم باردين ؟ أقول له اتق الله ، و استغفره عمّا قلته .. و للعلم أنا لست سودانية و إنما أحزنني قولك ، فنحن جميعًا مسلمين بغض النظر عن جنسيتنا ، و ما قد يكون في سوداني واحد تعاملت معه ، فليس من الضرورة أن ينطبق الحكم على الجميع
اخوي .. انا ماذميت اهل السودان
أنا استفسرت عن السبب
لأني أعرف إن اهل السودان مو باردين
وفيه فرق إذا كنت أذم أو استفسر
:)
الثلاثاء، 29 يونيو 2010
واخيرا خلصنا..×
هلااا والله فيكم
امم حبيت اقولكم اناا
خلصــــــــــــــــــــــــــــــت
من الثانوية اوبس اقصد تخرجت من الثانويه
وااااااااااااااااااااااااااااو لحد اللحين مو حااسه بنفسي
ودي اصاارخ والعب واسوي اشيااء
وناااااااااااااااااااااااسه
الأربعاء، 23 يونيو 2010
My exam 2day
السلاام عليكم
هلااا والله ومرحبتين فيكم
ادري الكل يسأل وين غصيت بس اعذروني مداارس وامتحانات
المهم يبتلكم سالفه اتموت من الضحك
اليوم قدمت امتحان جغرافيه
الحمدلله كان حلو وسهل بس لا يتخلي من الأخطاء
طبعا بالامتحان كان فيه سؤالين شنوو أسخف سؤالين شفتهم ابحياتي
حتى المفروض مايحطونهم بالامتحان لأن ماوراهم فايده
بس ينفعونه بالدرجاات
أول سؤال
كان يتكلم عن الجغرافيه السكانيه واحنا عندنا بالمقرر
قوانين عن الجغرافيه السكانيه
بس ماتوقعنا انا نلاقي سؤال يقول فيه
تخيل نفسك مدير مركز لمدينة الأحلام ويبون منك
اجمالي عدد السكان فالدولة
واجمالي عدد المزارعين على مساحة الارااضي
بداية حلوه بس المصيبة إذا لقينا بالسؤال جدول
وفيه ارقاام واحسبوا الاجمالي!!
يعني هالجمله حطوا عليه 100 خط احمر مزدوج
شلون تبونا نحسب الاجمالي بدون آلة حاسبة
إذا كان العدد اصغير حلووو بس اهوا واايد عود
يعني يبونا نحسب
200000/10000
أنا معاكم هذا رقم سهل بس شلون نحسب هالرقم
300000/6000
هذا لاازم حاسبة مابي ادخلكم بالمسائل الرياضية
بس أنا اللي اعرفه انا هذه المادة جغرافيه مورياضيات ولا إحصاء
السؤال الثاني
قالولنا ارسموا خريطة الكويت وحددوا عليها
خلوا التحديد بس تعالوا صوب الرسم
الوااحد شلوون يرسم اللحين
ادري رااح تقولون إن خريطة الكويت وايد سهله
حتى الياهل يعرفها
اوكي بس شكووو الرسم بالامتحاان يعني لهدرجه نزل عليهم الوحي
وقالهم لاازم اتعرفون مدى مهارة الطلبة بالرسم؟؟
مااادري شهالأسئلة صحيح انها سهلة بس مالها أي داااعي
أنا ودي اعرف الوزارة مو لاقية اسئلة !!؟؟
هذه مو أول مرة الوااحد يشوف فيها اسئلة نفس جذيه
حدهم هدوا حيلي بس والله يستااهل الوااحد امتحاان سهل
وسخيف على الدرااسة اللي قاعد يدرسها
;Pp
الأربعاء، 12 مايو 2010
follow me in twitter
halla w allah
eshloonkon ,, a5barkom??
3saakom eb5eer :)
u can follow me in twitter ;)
http://twitter.com/amoos_t_
الجمعة، 7 مايو 2010
مجهولون بعالم النت
مجهولون بعالم النت..
هذا العنوان كتبته لأن في عالم النت محد يعرف الثاني..
كل وااحد عايش في عالم محد يعرف الثاني من وين ولاا من اي مكان؟؟!!
بس اللي باعرفه لييش الكل خاايف احد يعرفه؟؟
ولييش الكل خاايف من احد يعرف وين ساكن ولا من اهوا ومن عايلة شنوو؟؟!
الكل خاايف ومرتعب إذا شخص قال أنا اعرفك وأعرف من اي عايلة!!
لييش الخوف ليييييش
لهدرجه خايف من سمعتك عند الناس
خاايف ان الواحد يفضحك عند الناس ويقولون عليك :(ولد فلان عنده تويتر ولا عنده فورم سبرينغ ولا عنده مدونه ولا عنده حساب بالفيس بوك)
إذا انت مو مسوي شي غلط لاتخاف وتخشش هويتك على النااس
الوااحد يكوون واقعي بعض الاحيان ويعترف ايه انا عندي وعندي وعندي ليش اخش على النااس
الوااحد لاازم يكون صريح مع نفسه بالاول لازم يصارح نفسه ويسأل نفسه انا لييش أخش على الناس هويتي؟؟
قوول .. تكلم ... افصح عن مابي داخلك <<اهم شي الفصحى :Pp
إذا ماتبي احد يعرف عن هويتك كيفك على راااحتك ... بس لوسمحت اذكر السبب واعترف انت شنوو مسوي بالنت علشان ماتعترف بهويتك ولا بنفسك!!؟؟؟
الأحد، 28 فبراير 2010
}..وصية أخت للخواتها..{
السلام عليكم ورحمة الله وبركاته,,
أخبار أيامكم إن شاء الله كلها فرح وسعاده,,
عااااد العطلة بدت بالكويت ومن زمان انتهت بالسعوديه,,
الله ياحلات العطلاات تهبل يازين لو عادوها,,
والله ماأعرف وين أبدأ ماأحب المقدمات المهم بقولكم,,
الله يسلمكم كل شخص يسافر صح؟؟<< مليغه صح؟؟
خلكم من هالملاغة والسمااجه سافرت أنا وأمي مع أخوي للصماان عند خالتي زوجها مخيم اهناااك,,
الله عشقي الصماان,,<< لاا تسألوونها لييش لأنها رااح تقولكم قصة حياتها,, ^_^
طبعا الكل يعرف الصماان واللي مايعرف أقوله الصمان بر موجود بالسعوديه حييييل كبيــــــــــر ويازينه بالربيع يينن حساافه ماصورته لكم,,
وقبل لا أسافر كتبت وصيه لخواتي علشان لاسمح الله يصير شي ولا شياات المهم هالوصيه علقتها بباب غرفتي علشان الكل يقرا ويفهم ويعي,,
يلااا إليكم هالوصيه,,
طبعا الوصيه باللغه السعوديه,, ^.^
اسمعن ياخواتي العزيزاات,,
غرفتي نفس غرفكن احتفظن فيها,,
ولا توسخنها تراها أمانه برقبتكن,,
وإذا وسختنها أوسخ غرفكن,,
(استودعك الله اللتي لاتضيع ودائعه)
هاااااه شنو قلتووا هع أحس إني محششه مع هالوصيه,,
أخوي قبل لاا يسفرنا قراها وماات من الضحك,,
وعلق علي تعليق أشبه باستهزاء,, :"(
قاللي اللي يشوف غرفتج يقوول فيها كنز وأنا مدري,, :(
أببييييييييييه أخوي يحطم الوااحد,, :(
تدروون شلوون الله يسامحه,,
يلااا نتقابل مع موااقف محششه,, :P
الثلاثاء، 23 فبراير 2010
عــــوده مرة آخرى,,
رجعت لج يامدونتي العزيزه وكلي فخر بأني أكتب فيج,,
ساامحوني يااأعزائي القراء على الأقصور اللي يا مني,,
أوعدكم بأني راااح أكتب وأكتب مرة ثانيه,,
وإذا تأخرت عنكم فأعرفوا إن الظرووف هي اللي خذتني عنكم,,
فامرحبآآآآ فيني من يديد,, :P
الاشتراك في:
الرسائل (Atom)